لمة فرسان
لمة فرسان دي حاجة حلوة بنعملها كل فترة لمتطوعين فرسان واللي عايزين ينضموا لفرسان ويعرفوها
كل اعضاء شباب فرسان اللي متقسمين فرق ومشاريع هيتلموا يقضوا يوم سوا
هنفطر سوا و نقعد مع بعض ونتعرف على اخبار بعض وهنقضي وقت جميل مع بعض برة الانشطة و الايفنتات.
يوم عائلي مفتوح لكل متطوعين شباب فرسان
وكمان هنستقبل اي حد جديد يحب يتعرف علينا سواء حضر معانا انشطة قبل كده او يعرفنا ولسة محضرش معانا حاجة او حتى اول مرة يسمع عنا.
هنتقابل في مركز الربع الثقافي اللي في شارع المعز لدين الله
ميعادنا يوم الجمعة 15 ديسمبر ان شاء الله الساعة 9.00 صباااااااااااحا
متتأخروووووووووش علشان نفطر سوا كلنا (:
اليوم عبارة عن مسابقات وألعاب وقعدة في الاخر نتكلم فيها سوا شويةاللي يحب يكون معانا في لمتنا يتصل بينا او يبعت لنا
whats app
على رقم 01118948200

مستنينكم – اللمة هتكون احلى بوجودكم معانا
(:

ازاي نوصل الربع ؟؟؟؟
-من محطة مترو العتبة :
هتركب ميكروباص الحسين الغورية ,,, تنزل الغورية وتعدي الشارع تدخل شارع المعز ,, تتمشى لحد مسجد الأقمر.
-من محطة مترو باب الشعرية :
هتسأل عن شارع أمير الجيوش وتمشي لآخره هتبقى في شارع المعز , تتمشي لجامع الأقمر .
-من محطة مترو رمسيس :
من عند جامع الفتح ميكروباص الحسين الغورية . ,,, تنزل الغورية وتعدي الشارع تدخل شارع المعز ,, تتمشى لحد مسجد الأقمر
-من بوابة الفتوح (أمام مطعم بابا عبده )
تدخل من البوابة تتمشى في شارع المعز لحد مسجد الأقمر

الربع في الشارع اللي جنب المسجد بالظبط على الشمال

البريد الالكتروني (غير منشور). الحقول الالزامية مشار اليها *

*