جمعية شباب فرسان الخيرية تنظم قافلة طبية في مركز مراغة بسوهاج ان شاء الله يوم الجمعة ٧ يناير2018 مع جمعية بسمة أمل بقرية الغريزات
القافلة ستضم التخصصات الطبية الآتية: ( باطنة – أطفال – عظام – نساء – أنف وأذن وحنجرة-جلدية -أسنان) مع وجود صيدلية ومعمل تحاليل كامل و وحدة بصريات…ومركز عيون
إلى جانب معرض لبيع الملابس ومواد تموينية وكتب خارجية بأسعار زهيدة لأهالى القرية
كمان هيكون فيها تركيب اسقف وتوزيع البطاطين  ان شاء الله
التجمع الساعة 10:00 مساء  الخميس  4 يناير إن شاء الله
القافلة دي 25 ساعة يا شباب 
قافلة صعبة بس احنا   معتمدين على ربنا 
وواثقين فيكم  جدًا
هنتجمع 10 :00 وهنتحرك 11:00
وهنوصل 6 الصبح إن شاء الله
هنبدأ الشغل أو ل ما نروح 
والقافلة هتبدأ من 8 إن شاء الله
هنخلص 3 العصر 
وهنتحرك من هناك على  الساعة4 ونص العصر بإذن الله
ملحوظة أخيرة  مهمة جدًا: 
طريقة واحدة للحجز وهي الاتصال التليفوني على رقم 01090846024
( احنا شاكرين ومقدرين لاستجابتكم وسرعة تفاعلكم معانا 
ومحتاجين نوضح  إن وارد تحصل ظروف تصعب  عليك  إنك تحضر وتشارك معانا ،،
عشان كدة متاح لحضرتك إنك تكلمنا  وتعتذر عن الحضور وتلغي الحجز قبل يوم الثلاثاء 2 يناير 12 بالليل 
وأي اعتذار قبل الفترة دي مقبول من غير أي أسباب بحيث يكون لينا فرصة نتصرف  ونبلغ حد من الموجود معانا في قايمة الانتظار
في حالة الاعتذار بعد المعاد ده سنضطر آسفين لعدم قبول طلب المعتذر من  المشاركة في أول قافلة جاية يطلب يشترك فيها،، عشان نقدر  نوفر مكان لشخص آخر أكثر حرصًا على المشاركة والحضور  والمساهمة في الخير 
وفي حالة التغيب وعدم الاعتذار من الأصل سنضطر آسفين لعدم قبول طلب المتغيب  للاشتراك في قافلتين قادمين نظرًا لأننا نقدر كل المشاركين ولا نريد أن يحرم أحد بسبب أحد آخر لم يقدرالأمر  )
احنا بنعتذر عن السياسة دي ولكن كل هدفنا  احترام حق كل الناس إنها تشارك من غير محد يحجز ويشغل مكان ويحرم  حد تاني منه  بدون أي اعتبار  لأننا نتمنى نقدر نقبل كل الحاجزين  لأن وجودكم يسعدنا ولكن للأسف العدد محدود

البريد الالكتروني (غير منشور). الحقول الالزامية مشار اليها *

*