السلام عليكم يا اهل فرسان
عَنْ عَائِشَةَ رضي الله عنها أَنَّ رَسُولَ اللَّهِ صَلَّى اللَّهم عَلَيْهِ وَسَلَّمَ قَالَ سَدِّدُوا وَقَارِبُوا وَاعْلَمُوا أَنْ لَنْ يُدْخِلَ أَحَدَكُمْ عَمَلُهُ الْجَنَّةَ وَأَنَّ أَحَبَّ الْأَعْمَالِ إِلَى اللَّهِ أَدْوَمُهَا وَإِنْ قَلَّ ” صحيح البخارى
يلا نتحلى باخلاق وتعاليم رسولنا الكريم – صلى الله عليه وسلم – ونداوم على ثواب ادخال السرور وجبر خواطر حبايبنا فدور المسنين , زيارتنا الجاية ب اذن الله يوم السبت 13/1 في دار انوار المصطفي بالمطرية..
 الدار عدد المسنات اللى فيه زادوا من 13 الى 18 مسنة فمحتاجينكوا اكتر معانا
احتياجاتهم مهمة جدا المرة دى لانها عبارة عن ( مواد تموينية ولحوم وفراخ )
وشوية هدايا عشان بنعملهم يوم ترفيهي نخرجهم من مود الوحدة اللي هما فيه ..
هنكون فالدار من الساعة  2ونص  لحد الساعة 6 هنعملهم برنامج جميل جدا وبندعى كالعادة ربنا يقدرنا ونكون اد فرحتهم ..
عنوان الدار بالتفصيل : مجمع مسجد انوار المصطفي – 8 شارع اشرف نوار متفرع من شارع الكابلات بحى المدارس بجوار مدرسة ام المؤمنين – الدور الخامس – اللى جاى مترو ممكن ينزل محطة الحلمية او محطة المطرية و ياخد ميكروباص لميدان المطرية و يسئل على شارع اشرف نوار او حى المدارس مش هتمشوا اكتر من عشر دقايق
اللى حابب يساعد بالتبرع العينى او النقدى او المشاركة بشخصه فى اليوم كلمونا على الرقم 01002844890
مستنيينكوا ^_^ 😊

البريد الالكتروني (غير منشور). الحقول الالزامية مشار اليها *

*